9 снежня ў музеі-сядзібе “Пружанскі палацык” адбыўся круглы стол, прымеркаваны да Міжнароднага дня памяці ахвяр злачынстваў генацыду. Мерапрыемства, у якім прынялі удзел старшыня раённага Савета дэпутатаў Мікалай Пятровіч Кудравец, начальнік аддзела ідэалагічнай работы і па справах моладзі Пружанскага РВК Аляксандр Канстанцінавіч Момлік, намеснік пракурора Пружанскага раёна Ірына Віктараўна Жыгалка, прадстаўнікі маладзёжнага парламента і інш., было арганізавана аддзелам ідэалагічнай работы і па справах моладзі сумесна з музеем-сядзібай “Пружанскі палацык”.

У ходзе сустрэчы супрацоўнікі музея прадэманстравалі прысутным прэзентацыю “Расследаванне генацыду насельніцтва БССР у гады Вялікай Айчыннай вайны”. Намеснік пракурора Ірына Віктараўна Жыгалка распавяла, як праходзіла расследаванне ўгалоўнай справы па фактам генацыду на Пружаншчыне. Падчас мерапрыемства была прэзентавана кніга А. Шведа “Генацыд беларускага народа”. Дырэктар Пружанскай ЦБС запрасіла ўсіх прысутных завітаць у чытальную залу раённай бібліятэкі, дзе можна пазнаёміцца з дадзенай кнігай. Затым гасцям было прапанавана пазнаёміцца з выставамі музея. Навуковы супрацоўнік правяла экскурсію па выставах “Гісторыя чалавечых лёсаў: маштабы злачынства” і “Генацыд на Пружаншчыне: па матэрыялах расследавання”.

Другі блок мерапрыемства распачаў настаяцель храма іконы Божай Маці “Нечаканая Радасць” в. Новыя Засімавічы іерэй Сергій Сысаляцін, які заклікаў усіх прысутных быць цярпімымі адзін да аднаго, каб не дапусціць паўтарэння трагічных падзей 1940-х гадоў. Таксама перад прысутнымі выступілі старшыня маладзёжнага парламента Дзяніс Цямчык, які падзяліўся ўласным вопытам выкладання гісторыі ў школе, сакратар маладзёжнага парламента Вячаслаў Краўчук, супрацоўнік газеты “Раённыя будні” Ірына Уладзіміраўна Сядова.

Падвялі вынікі мерапрыемства старшыня раённага Савета дэпутатаў Мікалай Пятровіч Кудравец і начальнік аддзела ідэалагічнай работы і па справах моладзі Аляксандр Канстанцінавіч Момлік.

Напрыканцы сустрэчы маладыя людзі зрабілі выснову, што неабходна ведаць і помніць аб падзеях вайны, таму што гэта — найважнейшая частка нашай гісторыі.

Мы сталеем, адна падзея змяняе другую, кола жыцця круціцца ўсё хутчэй і хутчэй… І толькі напярэдадні Новага года, дакрануўшыся да далікатных елачных цацак і ўдыхнуўшы пах ялінкі, мы на імгненне спыняемся і вяртаемся ў дзяцінства. А там: маладыя бацькі, смешныя шкляныя звяркі і пераліўныя шары, водар мандарынаў, арэхі і цукеркі, падарункі, мітусня на кухні… Чым бліжэй свята, тым ярчэйшыя ўспаміны пра самыя радасныя і шчаслівыя моманты жыцця.

Национальная академия наук Беларуси объявляет о проведении Всебелорусской акции «Народная летопись Великой Отечественной войны: вспомним всех!»

25 лістапада музей-сядзібу “Пружанскі палацык” наведалі маладыя спецыялісты філіяла “Айчына” ААТ “Белавежскі”.

Нягледзячы на тое, што канец восені цешыць нас цёплымі днямі, самы час задумацца аб навагодніх святах. А што яшчэ, як ні прыбраныя ёлкі, так падымае нам настрой, вяртаючы ў дзяцінства? Менавіта яны, ёлачныя цацкі, становяцца сімвалам той радаснай пары, калі мы прыбіралі навагоднюю прыгажуню ўсёй сям’ёй, у прадчуванні падарункаў і сапраўдных цудаў… Мы прапануем наведвальнікам успомніць, як гэта было.

У Пружанскім палацыку будзе наладжана выстава навагодніх цацак савецкага часу. Запрашаем усіх неабыякавых падтрымаць нашу ініцыятыву і прынесці ў музей новыя экспанаты — ёлачныя цацкі.

Звяртацца па нумарах 2 98 06 ці 2 18 96

На восеньскіх канікулах у музеі-сядзібе “Пружанскі палацык” было як заўсёды людна. Палацык наведалі навучэнцы не толькі горада і раёна, але і госці з Брэста, Мінска, Кобрына, Бярозы і інш.

Для школьнікаў былі праведзены аглядныя экскурсіі па музеі, экскурсіі па парку, лекцыі. Многія наведвальнікі неаднойчы бывалі ў палацыку, тым не менш, кожны раз знаходзілі тут для сябе штосьці новае і пазнавальнае.

У канцы кастрычніка фонды музея-сядзібы “Пружанскі палацык” папоўніліся ўнікальным экспанатам — пячаткай Пружанскага павятовага прадвадзіцеля другой паловы XIX ст. Хутчэй за ўсё, гэты прадмет належыў Валенцію Швыкоўскаму, які некаторы час займаў гэтую пасаду. Рарытэт перадаў мецэнат Аляксандр Зайцаў.

Газета – першы чарнавік гісторыі.

Філіп Грэм

Гартаючы старыя газеты, вернемся ў мінулае на імгненне…

У музей-сядзібу «Пружанскі палацык» трапіла газета «Зара камунізму» № 134 (6504) за 7 лістапада 1988 г. Вітрына газеты сустракала чытача воклічам «Са святам, таварышы!» з нагоды святкавання 71-й гадавіны Вялікай Кастрычніцкай сацыялістычнай рэвалюцыі. Адна з калонак інфармавала аб урачыстым пасяджэнні, якое адбылося 4 лістапада ў клубе “Космас” г. Пружаны. Перад ветэранамі партыі, вайны і працы, прадстаўнікамі партыйных і савецкіх органаў, працоўнымі калектывамі горада выступіў старшыня райвыканкома Г.Г. Разанка і першы сакратар райкома партыі В.М. В’юн, а пасля адбыўся святочны канцэрт…

У калонцы “Слова ветэрана” знайшоў свой шлях Я. Дулько – пенсіянер, калгаснік калгаса імя Калініна. Я. Дулько з вёскі Чапялі вымярае свой шлях з Кастрычнікам і лёсам Радзімы. Радасць і хваляванне – скінулі цара, адбылася рэвалюцыя… Грамадзянская вайна ў Уфімскай губерніі – калчакаўцы і перамога В.І. Чапаева… Вяртанне да дому… З палёгкай уздыхнулі ў 1939 г., а праз два гады –вайна… Пасля выгнання захопнікаў пачала аднаўляцца гаспадарка. У свае 89 гадоў Я. Дулько з гонарам дадае: як далёка мы пакрочылі, але наперадзе вялікі шлях, і няма прыпынку на гэтым шляху.

Цэнтральнае месца займае фотаздымак Васіля Пятровіча Юзяфовіча, за 36 гадоў яго кіраўніцтва Росахаўская брыгада стала адной з лепшых у калгасе імя Леніна. За плённую працу брыгадзір узнагароджаны ордэнам Працоўнага Чырвонага сцяга, “Знакам Пашаны”, двума медалямі выставачнага камітэта ВДНГ.

Завяршае галоўны ліст калонка “Перабудове – канкрэтныя справы”: працуюць на ураджай – выкананы асабістыя заданні і дзесяцімесячнае заданне. Ферма чатырохтысячніц – лідар – ферма “Семянча”, тут усе даяркі – “чатыро кума”. Тут усе даяркі – чатырохтысячніцы. Поспех – вынік работы па-калектыўнаму.

7 лістапада 2022 г. – 105-я гадавіна Вялікай Кастрычніцкай сацыялістычнай рэвалюцыі. Падзеі, якія стаяць за гэтай датай, – неад’емная частка гісторыі Беларусі, якая вызначыла далейшае яе развіццё.

27 октября 2022 года музей-усадьбу «Пружанский палацик» посетили участники открытого областного конкурса «Агромастерство» проводимого на базе УО «Пружанский государственный аграрно-технический колледж». Гости оставили тёплые отзывы о работе музея и приобрели приятные впечатления от знакомства с историей и культурой Пружанщины.