Click to open a larger map

Час працы музея

Серада-нядзеля:
10.00 — 18.00
Выхадны: панядзелак, аўторак.

НАШ АДРАС:

Рэспубліка Беларусь, Брэсцкая вобласць, г.Пружаны. вул.Савецкая, 50
Т/ф:+375 1632 21896 маб.:+375333711342 (МТС)

Translate:
Мы на сацсетках:
Telegram-канал

Пленэр-online “Пружанскі верасень”

З 26.09 па 30.09 музей-сядзіба “Пружанскі палацык” ладзіць чарговы штогадовы мастацкі пленэр “Пружанскі верасень”, але ў гэтым годзе ён будзе праходзіць дыстанцыйна – анлайн. Мастакі будуць паказываць свае штодзенныя работы ў групе “Пленэры ў Пружанах” у Фэйсбуку. Напрыканцы кастрычніка ў музеі будзе праходзіць справаздачная выстава па гэтым пленэры. Восень — цудоўны маляўнічы час, які пачынаецца з першых вераснёўскіх дзён. Натхнёныя жывымі фарбамі прыроды, у якіх ужо праяўляюцца залатыя і чырвоныя адценні, мастакі-жывапісцы спяшаюцца на эцюды. Ужо не першы год мастакі з Мінска, Узды, Слоніма, Бярозы, Брэста, Гродна, іншых гарадоў Беларусі і замежжа наведваюць Пружаны, дзе адбываюцца памятныя пейзажныя плэнэры, на якіх у лічаныя дні і тыдні ствараюцца шматлікія мастацкія творы. 
Пружаншчына, родны край мастакоў, паэтаў, навукоўцаў, таленавітых і працавітых людзей, становіцца значным асяродкам сучаснай мастацкай культуры. Тут ёсць што маляваць і быць адкрыўцам новых матываў і сюжэтаў. Гэта і надзвычай маляўнічае наваколле, унікальныя помнікі архітэктуры, яскравыя вобразы жыхароў Пружаншчыны і інш. 
У гэтым 2020 годзе арганізаваны чарговы плэнэр “Пружанскі верасень”, Ён адбываецца ў спецыфічных умовах, калі мастакі працуюць на неабходнай індывідуальнай дыстанцыі, паасобку, не могуць па вядомым прычынам шчыльна і ўзаемна кантактаваць падчас агульнай працы. Кожны інфармуе аб працэсе сваёй працы на прыродзе ў сацыяльным сеціве – група “Пленэры ў Пружанах” https://www.facebook.com/groups/325456168763896, каб усім можна было бачыць, якія матывы ён убачыў і адлюстраваў, што яго найбольш уражвае і захапляе. 
Плэнэр мастакоў, аб’яднаных інтэрнэт-сувязямі, пачынаецца з 26 верасня і завяршаецца 30 верасня 2020 года. Потым мастакі-удзельнікі будуць завяршаць свае творы ў майстэрнях і рыхтавацца да агульнай справаздачнай выставы ў славутым Пружанскім палацыку напрыканцы кастрычніка 2020 года. Там пройдзе ўрачыстае абмяркаванне вынікаў. Лепшыя творы будуць падараваны ў калекцыю музея, якая штогод папаўняецца новымі узорамі плэнэрнага жывапісу, прысвечанымі маляўнічым мясцінам Пружаншчыны. 
Спадзяемся, што выдатнае надвор’е, вялікая е натхненне і шчырая любоў да роднага краю і сёлета будуць найлепшым чынам спрыяць творчай працы і парадуюць шматлікіх гледачоў вынікамі “Пружанскага верасня -2020”. 

Яўген Шунейка, удзельнік плэнэра, кандыдат мастацтвазнаўства, сябра Беларускага саюза мастакоў

Share to Facebook
Share to Google Plus
Share to Odnoklassniki

Добавить комментарий