Сёння мы раскажам пра яшчэ адзін цікавы прадмет з фондаў Пружанскага палацыка – кіназдымачны апарат “Кіеў 16С-3”.

22 красавіка ў музеі-сядзібе “Пружанскі палацык” адбыўся музейна-педагагічны занятак на тэму “Сучасная беларуская паэзія (на прыкладзе творчасці паэтаў Пружаншчыны)” для вучняў 11 класаў гімназіі г. Пружаны.

Сёння гаворка пойдзе пра музычны экспанат  – банджа, якое прывёз з ЗША адзін з пружанцаў напачатку ХХ ст.

15 красавіка ў музеі-сядзібе “Пружанскі палацык” правялі першую экскурсію па выставе “ПАЧАТАК”, якую наведалі вучні сярэдняй школы №5 г. Пружаны.

На выставе ў класічным выкананні прадстаўлена 13 графічных работ і 5 скульптур прыватнага і аўтарскага характару, якія былі створаны студэнтамі Беларускай дзяржаўнай акадэміі мастацтваў: Валерыяй Вілкінай, Соф’ей Дзічэнка, Кацярынай Мельнікавай, Ангелінай Сухарукавай, Кацярынай Яфрэмавай, Дар’яй Бурло і Аляксандрай Адамовіч. У стварэнні былі выкарыстаны класічныя тэхнікі: афорт, траўлены штрых, сухая іголка, аквацінта, лінагравюра, літаграфія; дрэва, метал, гіпс, акрыл. Мастацкія вобразы абсалютна дакладныя і выразныя, надзвычай стройныя і ўпарадкаваныя, злавешчыя і містычныя – прыцягваюць позірк гледача.

У музеі-сядзібе «Пружанскі палацык» праходзіць зверка экспанатаў. 13 красавіка супрацоўнікі музея правялі зверку калекцыі “Дэкаратыўна-прыкладное мастацтва”, якая складаецца з 312 адзінак: 228 прадметаў асноўнагам фонду і 84 – навукова-дапаможнага. У згаданую калекцыю ўваходзяць дываны, абрусы, пакрывалы, сурвэткі, карціны, царкоўнае начынне – гэтыя прадметы былі перададзены ў музей жыхарамі горада і раёна.

Сёння гаворка пойдзе пра яшчэ адзін цікавы прадмет, які захоўваецца ў фондах Пружанскага палацыка, – бульётку. Яна ўяўляе сабою фігурную танкасценную металічную ёмістасць са здымным дном (падстаўка для спіртоўкі). Ніжняя частка пасудзіны (паддон) увагнута, выканана ў форме прафіляванай варонкападобнай падстаўкі на трох высокіх дэкаратыўных металічных ножках у выглядзе стылізаваных лап міфічнай жывёлы.

З 6 па 10 красавіка музей-сядзібу «Пружанскі палацык» працягвалі актыўна наведваць вучні школ г. Пружаны, студэнты Пружанскага дзяржаўнага аграрна-тэхнічнага каледжа, а таксама навучэнцы мінскіх школ, якія пазнаёміліся з выставамі “Генацыд на Пружаншчыне: па матэрыялах расследавання” і “Дзіцячы погляд з вечнасці”.

8 красавіка гасцямі музея сталі прадстаўнікі прафсаюзных арганізацый горада і раёна. 9 красавіка Пружанскі палацык наведалі ўдзельнікі X-га рэспубліканскага турніра па хакею з шайбай, прымеркаванага да 105-годдзя са дня ўтварэння беларускай міліцыі.

Дзякуючы заняткам творчасцю, мы развіваемся, таму карысна ператвараць іх у звычку, аднак складана саблюдаць яе рэгулярнасць, калі вакол столькі важных спраў: праца, вучоба, сям’я, сябры… Нават калі ў вас атрымалася адшукаць няшмат часу для творчасці, можна доўга прасядзець перад чыстым лістом, так і не прыдумаўшы нічога добрага.  У такой сітуацыі вам дапаможа МастКрашChallenge!

Дарагія сябры! У вас ёсць унікальная магчымасць пазнаёміцца ​​з экспанатамі музея бліжэй. Мы раскажам вам пра малапрыкметныя, але ў той жа час цікавыя і незвычайныя экспанаты, якія захоўваюцца ў фондах музея.