Другога лютага ў Пружанскім палацыку адбылося адкрыццё персанальнай выставы маладой мастачкі з Шарашова Лаліты Шыш.

Лаліта неаднаразова прымала ўдзел у конкурсах і выставах Беларусі, Расіі, Германіі. Яе працы захоўваюцца і ў прыватных калекцыях.

У 2018 г. атрымала дыплом Мінскага дзяржаўнага мастацкага каледжа імя А. К. Глебава. Сёння мастачка з’яўляецца выпускніцай Беларускай дзяржаўнай акадэміі мастацтваў.

У працэсе набыцця майстэрства пад кіраўніцтвам выкладчыкаў Лаліта атрымала класічныя навыкі жывапісу, кампазіцыі, малюнка алоўкам, спрабуе сучасныя напрамкі мастацкага мастацтва.

На выставе «Рэтраспектыва станаўлення» прадстаўлены разнапланавыя работы ад эскізаў да паўнацэнных завершаных твораў. Пры гэтым нельга сказаць, што аўтар працуе ў якой-небудзь адной тэхніцы. Лаліта ўвесь час імкнецца да вывучэння і адпрацоўцы новых навыкаў, эксперыментуе ў вобласці графікі, камп’ютарнай графікі, жывапісу. Мастачка ў гэтым бачыць развіццё творчага патэнцыялу, шукае новыя рашэнні ў кампазіцыйнай пабудове працы.

Усіх, хто жадае пазнаёміцца з творчасцю Лаліты Шыш, запрашаем наведаць выставу па 25 лютага.