12 жніўня музей-сядзібу “Пружанскі палацык” наведалі падапечныя Пружанскага тэрытарыяльнага цэнтра сацыяльнага абслугоўвання насельніцтва. Пенсіянеры падрабязна пазнаёміліся з выставай “Postscriptum”, якая ўзнаўляе асноўныя эпізоды гісторыі прымусовай працы савецкіх грамадзян у гады Другой сусветнай вайны, пачынаючы ад угону і транспарціроўкі ў Германію і краіны, ёй акупаваныя, да вызвалення і лёсаў рэпатрыянтаў ў Савецкім саюзе. Навуковы супрацоўнік распавяла прысутным пра экспанаты – копіі фотаздымкаў і дакументаў, лісты і паштоўкі, успаміны, якія размяшчаюцца на кардонных фігурах у чалавечы рост. Фігуры – гэта погляд на выкарыстанне прымусовай працы, гісторыя з чалавечых лёсаў… Прысутныя падзяліліся ўспамінамі сваіх родных і знаёмых, якія апынуліся ў Германіі ў гады вайны.

У гэты ж дзень гасцямі палацыка сталі супрацоўнікі Брэсцкай абласной праектна-пошукавай станцыі хімізацыі сельскай гаспадаркі. Наведвальнікі пазнаёміліся са сталымі экспазіцыямі і выставамі, найбольш уразілі гасцей працы Народнага майстра Рэспублікі Беларусь Мікалая Тарасюка.

Сёння мы раскажам пра шкляную колбу складанай формы з шырокай адтулінай у дне — мухалоўку.

У фондах палацыка захоўваецца  калекцыя “Дакументы”. У ёй знаходзіцца звыш  900 экспанатаў, сярод якіх шмат асабістых і грамадскіх дакументаў. У сувязі з гэтым музей прадстаўляе такую паслугу як пошук інфармацыі.

Усе музейныя экспанаты захоўваюцца ў спецыяльных сховішчах, дзе падтрымліваецца пэўны тэмпературны, вільготнасны, светлавы і біялагічны рэжымы. Каб ім нішто не пагражала, прадметы перыядычна аглядаюцца, прасушваюцца і апрацоўваюцца спецыяльнымі сродкамі.

Аб дзейнасці палацыка можна даведацца з артыкулаў, якія пішуць супрацоўнікі музея. Пра ўсе новыя выставы, мерапрыемствы і цікавыя моманты можна прачытаць на сайце музея, у сацыяльных сетках і сродках масавай інфармацыі.

Штодня навуковымі супрацоўнікамі праводзяцца  экскурсіі па музею і парку, тэматычныя лекцыі і музейна-педагагічныя заняткі. Акрамя таго, загадзя можна замовіць экскурсію па горадзе ці раёну.

Для таго, каб наведвальнікі змаглі пазнаёміцца з музейнымі прадметамі, ствараюцца выставы і экспазіцыі. Гэты працэс цікавы і творчы, так як з вялікай колькасці розных экспанатаў вымалёўваецца кампазіцыя, калі кожная вітрына можа расказаць цэлую гісторыю.

Пасля таго, як прадметы трапілі ў музей, яны праходзяць агляд, апрацоўку спецыяльнымі сродкамі, калі трэба, рамантуюцца, а затым уносяцца ў музейную базу. І толькі пасля гэтага прадметы атрымоўваюць спецыяльны нумар і знаходзяць сваё месца на выставе ці ў фондах музея. З гэтага часу ўсе музейныя прадметы з’яўляюцца дзяржаўнай маёмасцю.