Быць экскурсаводам зусім не проста: трэба столькі ўсяго ведаць, заўсёды быць у выдатным настроі, умець захапіць і натоўп, і аднаго чалавека.

16 лютага ў палацыку адбылася прэзентацыя выставы “Святло ікон” мастачкі з г. Маладзечна Ядвігі Сянько. На выставе прадстаўлена 36 спісаў з найбольш вядомых праваслаўных і каталіцкіх ікон.

16 лютага ў 16.00 гадзін у музеі-сядзібе “Пружанскі палацык” адбудзецца прэзентацыя выставы “Святло ікон” з удзелам мастачкі Ядвігі Сянько. На выставе прадстаўлена 36 твораў. У большасці сваёй гэта спісы з найбольш вядомых праваслаўных і каталіцкіх абразоў.

Запрашаем усім жадаючых!

10 лютага 2023 г. музей-сядзібу «Пружанскі палацык» наведалі самыя маленькія экскурсанты – выхаванцы дзіцячага сада №5 г. Пружаны. Дашкольнікі аказаліся надзвычай дапытлівымі, з цікавасцю слухалі  і нават дапаўнялі расказ навуковага супрацоўніка, задавалі пытанні. Найбольшую цікавасць у дзяцей выклікала этнаграфічная экспазіцыя і “Res sacrae”. Пасля экскурсіі прысутныя падзякавалі навуковаму супрацоўніку і паабяцалі, што ў канцы навучальнага года абавязкова прыйдуць у музей у поўным складзе.

У лютым 1999 г. на старонках газеты “Культура” была надрукавана заметка пад назвай “Сядзіба стала музеем”. У ёй расказвалася, што шасцігадовая рэстаўрацыя Пружанскага палацыка нарэшце скончана і тут адкрыты “першы музей былой сядзібы ў Брэсцкай вобласці”.

22 студзеня споўнілася 90 гадоў з дня нараджэння вядомай нам з дзяцінства мастачкі Алены Георгіеўны Лось. “Пружанскаму палацыку” ёсць чым ганарыцца — у фондах музея захоўваецца асобная калекцыя карцін і кніг творцы, якя налічвае 64 адзінкі.

На працягу 30 гадоў існавання музея пра яго было напісана шмат артыкулаў і заметак.  Успомнім самыя раннія і цікавыя з іх.

14 студзеня ў палацыку ўпершыню прайшоў Калядны баль, у якім прынялі ўдзел таленавітыя вучні Пружаншчыны.

Старшакласнікі ў строгіх касцюмах і шыкоўных сукенках выканалі паланэз, вальс і кадрыль. Перад імі з танцавальнымі нумарамі выступілі вучні харэаграфічнага аддзялення дзіцячай школы мастацтваў Р.Р. Шырмы г. Пружаны і ўзорны ансамбль танца “Круцёлачкі” гарадскога Палаца культуры. У выкананні педагогаў дзіцячай школы мастацтваў прагучалі рамансы.

Завяршылася мерапрыемства чаяпіццем.

Сутнасць акцыі ў тым, што прыхільнікі мастацтва, блогеры і падпісчыкі музеяў дзеляцца ў сацыяльных сетках аўтапартрэтамі на фоне музейных экспанатаў, перадаючы такім чынам настрой і атрыманыя ўражанні.

Для ўдзелу ў акцыі трэба з 17 па 22 студзеня наведаць палацык, зрабіць на фоне якога-небудзь экспаната сэлфі, апублікаваць фота з хэштэгам #Museumselfieday2023 у сацсетках, а таксама адправіць фота на нумар +375-29-822-77-34.

Аўтары лепшых фота атрымаюць прызы!