19 красавіка навуковым супрацоўнікам музея была праведзена для гасцей і жыхароў Пружан бясплатная пешаходная экскурсія па гораду. Да акцыі далучыліся студэнты Пружанскага дзяржаўнага аграрна-тэхнічнага каледжа, якія актыўна цікавіліся гісторыяй і архітэктурай горада.
19 красавіка “Пружанскі палацык” праводзіць бясплатныя пешыя экскурсіі па гістрычным цэнтры г.Пружаны.
Збор груп на плошчы каля Свята-Аляксандра-Неўскага сабору і гандлёвых радоў “Белыя лаўкі” ў 15.00.
Кантактныя тэлефоны: 21896, (8033) 3711342
Запрашаем да ўдзелу!
12 красавіка адзначаецца Дзень касманаўтыкі, устаноўлены ў гонар першага палёта чалавека ў космас.
12 красавіка 1961 г. Юрый Аляксеевіч Гагарын на касмічным караблі “Усход” здзейсніў першы палёт у космас. Палёт доўжыўся 108 хвілін. За гэты час Гагарын зрабіў адзін віток па Зямной арбіце і вярнуўся на Зямлю. Палёт Юрыя Гагарына даказаў, што чалавек можа жыць і працаваць у космасе. Так з’явілася на Зямлі новая прафесія — касманаўт.
Прадстаўляем вашай увазе бюст першага касманаўта з фондаў музея.
11 красавіка ва ўсім свеце адзначаецца памятная дата — Міжнародны дзень вызвалення вязняў фашысцкіх канцлагераў. Яна ўсталявана ў памяць аб інтэрнацыянальным паўстанні вязняў канцлагера Бухенвальд, якое адбылося 11 красавіка 1945 г.
У красавіку 2000 г. на старонках газеты “Культура” быў надрукаваны артыкул “Пружанскі палацык”, у якой аўтар раіць гасцям горада наведаць гарадскі парк і палацык, які “з’яўляецца ўзорам гістарызму першай паловы ХІХ стагоддзя, яго найбольш цікавай разнавіднасці — раннерэнесанснай італьянскай сялянскай вілы.
Чацвёртага і пятага красавіка на тэрыторыі Брэсцкай вобласці праходзіў выязны семінар “Прэзентацыя турыстычнага патэнцыялу рэгіёна” для кіраўнікоў і прадстаўнікоў турыстычных арганізацый, супрацоўнікаў Дэпартамента па турызму, Міністэрства спорта і турызму Рэспублікі Беларусь, Нацыянальнага агенства па турызму, экскурсаводаў, гідаў-перакладчыкаў, выкладчыкаў турыстычных дысцыплін, а таксама для прадстаўнікоў сродкаў масавай інфармацыі.
У першы дзень удзельнікі семінару наведалі Пружанскі палацык. Для гасцей дырэктарам і галоўным захавальнікам былі праведзены экскурсіі па музеі і парку. Госці пакінулі цёплыя водгукі аб палацыку і набылі прыемныя ўражанні ад знаёмства з музеем.
Напрыканцы сустрэчы было дамоўлена аб далейшым супрацоўніцтве. Чакаем новых турыстаў!
Вялікая Айчынная вайна — гэта агульначалавечае гора, яна забрала мільёны жыццяў, закранула кожную сям’ю… Памятаць аб вайне неабходна, таму што гэта — найважнейшая частка нашай гісторыі.
У сакавіку 2003 г. на старонках газеты “Культура” расказвалася, што сабой уяўляў у той час музей. “Ва ўсе часы ён здзіўляў усіх сваім тонкім архітэктурным абрысам: невялічкі, утульны — нездарма замест звычайнай назвы “палац” трывала і назаўжды замацавалася за ім “палацык”.
