24 лютага ў Мастацкім музеі г. Брэста адбылася прэзентацыя выставачнага праекта “Брэстчына этнаграфічная”. Праект уключае ў сябе тры выставы, якія на працягу года будуць знаёміць наведвальнікаў з самабытнай культурай розных рэгіёнаў Брэсцкай вобласці.

Адкрыла праект выстава “Пружанска-Камянецкі край”. У адкрыцці выставы прынялі ўдзел калектывы і народныя майстры Пружанскага і Камянецкага раёнаў, а таксама дырэктар і галоўны захавальнік Пружанскага палацыка.