У музеі-сядзібе “Пружанскі палацык” адкрылася выстава выкладчыка Мінскага дзяржаўнага мастацкага каледжа імя А.К. Глебава Андрэя Карпянкова.

На выставе прадстаўлена 22 карціны, выкананых у стылі абстрактнага экспрэсіянізму і аб’яднаных тэмай памяці і эфектам дэжавю. Карціны Карпянкова – пяшчотная ода спадарыне Жанчыне,  адвечнаму сімвалу захавання памяці роду, цяплыні сямейнага ачагу і надзеі.