Нажмите, чтобы открыть большую карту

НАШ АДРАС:

Рэспубліка Беларусь, Брэсцкая вобласць, г.Пружаны. вул.Савецкая, 50
Т/ф:+375 1632 21896 маб.:+375333711342 (МТС)

Translate:
Мы на сацсетках:

Калядная «зорка» над Пружанамі?

Фота з камеры PFN52 Stary Sielc (Польшча)

Навіна пра метэарыт, што праляцеў над Пружаншчынай у калядную ноч 7 студзеня ў 3.33 (па дадзеных камер відэаназірання ў Брэсцкім раёне), распаўсюдзілася ў сродках масавай інфармацыі з хуткасцю святла. Адразу ж “пасыпаліся” заклікі шукаць месца падзення нябеснага госця. І, як аказалася, нездарма.

 Днямі наш раён наведала група навукоўцаў — супрацоўнікаў Польскай лабараторыі камет і метэораў (Pracownia Komet i Meteorów — http://www.pkim.org/ ), якія збіралі аповеды магчымых відавочцаў рэдкай з’явы, паколькі некалькі польскіх фотакамер таксама зафіксавалі пралёт метэарыта ў бок Пружан. 
Як адзначаюць замежныя даследчыкі, метэарыт пры пралёце праз атмасферу мог важыць да 500 кг, а пры падзенні — да 100 кг. Ён таксама мог раздрабніцца на меншыя кавалкі — ад 50 кг да 100 г. 
Па навуковых разліках была вызначана прыкладная зона падзення метэарыта. А гэта раён вёсак Палонна-Забалацце, Смаляны, Задвараны, Тулоўшчына, Загор’е і Стасюкі. У суседнім Бярозаўскім раёне – Давыдавічы, Бухалі, Міхновічы.

Мапа прыкладнай зоны падзення метэарыту (пазначана жоўтым колерам). Чырвоная лінія — вылічаная  траекторыя падзення метэарыту.
(Цісні, каб паглядзець максімальны памер мапы !)

Спецыялісты заклікаюць мясцовых жыхароў як мага хутчэй правесці пошукі нябеснага каменя, пакуль ён яшчэ ляжыць на паверхні зямлі (з пачаткам палявых сельгасработ знайсці рэшткі метэарыта будзе амаль немагчыма).
Для навукоўцаў вельмі важна зафіксаваць фотаздымкамі месца падзення метэарыта і яго знешні выгляд, а таксама вызначыць дакладныя каардынаты гэтага месца. 

Фота з камеры PFN40 Otwock (Польшча)

Па іх меркаванні, знешне “пружанскі” метэарыт павінен быць чорным, а на сколах — больш светлым. Верагодна, метэарыт быў жалезным, таму нават малыя яго кавалкі будуць параўнальна цяжкімі.

Фота метэарыту, які ўпаў Кошыцэ ў Славакіі ў 2010 годзе — так можа выглядаць і «пружанскі» метэарыт.

Мы звяртаемся да неабыякавых пружанцаў з просьбай: калі вам трапіцца ў вызначанай зоне падобны “камень”, сфатаграфуйце знаходку, вызначце яе каардынаты і паведаміце навуковым супрацоўнікам музея-сядзібы “Пружанскі палацык”.

Усе матэрыялы і фотаздымкі прадастаўлены http://www.pkim.org/
                                            Алена Зялевіч, Раённыя Будні
Опубликовать в Facebook
Опубликовать в Google Plus
Опубликовать в Одноклассники

Добавить комментарий