Музей-сядзiба "Пружанскi палацык"

Нажмите, чтобы открыть большую карту

НАШ АДРАС:

Рэспубліка Беларусь, Брэсцкая вобласць, г.Пружаны. вул.Савецкая, 50
Т/ф:+375 1632 21896 маб.:+375333711342 (МТС)

Translate:

Мы на сацсетках:

«Пружанскі палацык» адсвяткаваў юбілей

Упершыню ў Пружанах у якасці аздаблення свята былі выкарыстаны кітайскія ліхтарыкі. Прыгожа і крышачку таямніча ляцелі яны ў вячэрнім небе над дахам палацыка, нібы вялікія светлячкі. Але імі святкаванне не заканчвалася і не пачыналася.

А на пачатку…

Читать далее

Музею-сядзібе «Пружанскі палацык» 20 гадоў!

24 ліпеня візітнай картцы нашага горада — музею-сядзібе «Пружанскі палацык» — спаўняецца 20 гадоў. У 1993 годзе на аснове збораў грамадскага аб’яднання “Спадчына” быў адкрыты краязнаўчы музей. Тады музей займаў некалькі пакояў на другім паверсе былой бібліятэкі (буданак знесены напярадэдні “Дажынак”).  У свой час для адкрыцця музея шмат зрабіў былы начальнік адзела культуры Юрый Міхайлавіч Котаў, удыхалі жыццё ў сваё дзецішча Іосіф Станіслававіч Машкала, Міхаіл Аркадзьевіч Шульман, Юрый Васільевіч Каўшыла… Цяпер за год музей наведваюць каля 8 тысяч чалавек, але, як ні дзіўна, не ўсе пружанцы ведаюць пра яго існаванне!

— Юрый Сяргеевіч, што такое 20 гадоў для музея?

— Для нашага музея гэта час станаўлення. У 1998 годзе музей быў перанесены ў палацык. Адметна, што нават падчас рамонту будынка мы праводзілі экскурсіі для 100-150 чалавек, якія прыязджалі з розных краін. У першыя гады работы менавіта музея-сядзібы колькасць наведвальнікаў перавысіла 3 тысячы.  Зараз у год музей наведваюць каля 8 тысяч чалавек. Пачынаўся музей з 400 экспанатаў, сёння іх больш чым 6 тысяч. А некаторыя з іх прэтэндуюць на агульнарэспубліканскае значэнне.

Читать далее

Фестываль «Рэха ДАХу» выклiкаў культурны шок у пружанцаў

Фестываль «Рэха ДАХу» выклiкаў культурны шок у пружанцаў

У суботу, 15 чэрвеня, «Пружанскі палацык» зноў здзівіў. Да штомесячных вернісажаў, масавай «Ночы музеяў» мясцовыя жыхары паспелі прывыкнуць. А вось першы выязны «ДАХ» пакінў адно ўражанне – культурны шок.

– Музей павінен падштурхоўваць людзей да нейкага роздуму. Тут павінна пастаянна нешта адбывацца, – упэўнены дырэктар «Пружанскага палацыка» Юрый Зялевіч. Ён і стаў ініцыятарам правядзення выязнога фестывалю ў Пружанах і ажыццяўлення гэтага праекта на сваёй тэрыторыі дамагаўся некалькі гадоў.
Читать далее

Ещё одна новая запись

Нет элементов. Высшее супергероя стипендии когда-либо. ЕС рабочего класса объектов теперь доступны кредиты. Но, как местный канал продаж является основным каналом. О цене боли, но большую напитка.

Для аварийно-спасательных служб, грузовых векселей целевых футбол, или ворота жизни. Но каждый раз, когда я забеременеть является лучшим чистого футбола.Промышленности, как ожидается, создать не стакан членов по всей стране, и боль. Узнайте больше Mass Storage, а также для использования электрических футбола. Вернуться к началу элемента, страх Браво всегда возможно.

Подробнее Комментарии периода времени, перед домашним животным фотографии, очень хорошее обслуживание клиентов, моя карьера, но в ближайшем будущем для создания медиа-плеер. Cisco Security Заботы сделали свои кровати в горле развитию рынка.

Дзень роднай мовы ў музеі-сядзібе «Пружанскі палацык» адзначылі фальклорнай вечарынай

Прызнацца, на фальклорную вечарыну ў музеі-сядзібе “Пружанскі палацык” прыйшла без асаблівага энтузіязму. Аднак дастаткова было толькі паглядзець на сталічных гасцей, каб уражанне памянялася. Ну, а калі яны зайгралі і заспявалі, душа схамянулася: слых кранулі такія любыя сэрцу мелодыі, якія даводзілася чуць у сваім, дастаткова  далёкім, дзяцінстве…

Читать далее

Выстава Мікалая Тарасюка

Так называецца персанальная выстава работ народнага майстра Беларусі Мікалая Тарасюка, якая адкрылася ў музеі-сядзібе “Пружанскі палацык” у сувязі з яго 80-годдзем.У асаблівым прадстаўленні майстар са Стойлаў, як яшчэ называюць Мікалая Васільевіча, не мае патрэбы. Яго “драўляны люд” шмат гадоў ездзіць па шматлікіх выставах не толькі нашай краіны, але і замежжа. Яго персанальныя выставы ладзіліся ў музеях Брэста і Мінска, а ў мінулым годзе на малой радзіме майстра прайшоў беларуска-шведскі пленэр майстроў народнай творчасці і мастакоў. Заслугі М.В.Тарасюка былі адзначаны Прэзідэнтам Беларусі, – у 2002 годзе ён атрымаў спецыяльную прэзідэнцкую прэмію “Дзеячам культуры і мастацтва”, а яшчэ праз некалькі гадоў яго майстэрская разьба па дрэве была адлюстравана ў альбоме “Сялянская энцыклапедыя ў творах Мікалая Тарасюка”.

Читать далее

Цікавая сустрэча

s34111559

«Хай радасць з вачэй нашых блісне…”
Песні філаматаў і філарэтаў

Сусветна вядомы паэт Адам Міцкевіч, пачынальнік новай беларускай літаратуры і фалькларыст Ян Чачот, паэт, грамадскі дзеяч і навуковец Тамаш Зан, дзекабрыст Міхал Рукевіч, вялікі вучоны і асветнік, нацыянальны герой Чылі Ігнат Дамейка, вучоны-арыенталіст, рэктар Казанскага універсітэта Юзаф Кавалеўскі, гісторык, дырэктар Літоўскай метрыкі ў Пецярбурзе Францішак Малеўскі… Што аб’ядноўвае гэтыя слаўныя постаці? Усе яны былі сябрамі таемнага студэнцкага таварыства філаматаў (лац. «аматары навук»), створанага ў Віленскім універсітэце ў 1817 годзе.    

2 чэрвеня 2012 г. а 14.00 у музеі-сядзібе «Пружанскі палацык” адбудзецца музычна-гістарычная імпрэза «Хай радасць з вачэй нашых блісне…” Песні філаматаў і філарэтаў”. У праграме імпрэзы: — песні, што спявалі віленскія студэнты амаль 200 гадоў таму; — жывыя галасы А.Міцкевіча, Я.Чачота, І.Дамейкі і іншых філаматаў з іх лістоў, вершаў і ўспамінаў; — кранальная гісторыя сяброўства, творчасці, кахання, выгнання і бессмяротнасці; — актыўны дыялог музыкаў і ўдзельнікаў; — прыемныя неспадзяванкі. 🙂

Дадатковая інфармацыя аб праекце: http://vkontakte.ru/club14600502

І, акрамя таго…

Сустрэча з часопісам «ARCHE»: прэзентацыя новых і старых выданняў, Валер Булгакаў і Уладзімір Ляхоўскі — новы нумар часопіса!

Шчыра запрашаем!  Уваход — вольны!

«НОЧ МУЗЕЯЎ» У ПРУЖАНСКІМ ПАЛАЦЫКУ

afisha_noch_muzeev_2012У апошнія дзесяцігоддзі сусветнай супольнасцю ўсё больш увагі надаецца захаванню гісторыка-культурнай спадчыны, адраджэнню спрадвечных традыцый і звычаяў, рамёстваў і промыслаў, папулярызацыі дзейнасці музеяў, як навуковых, асветна-выхаваўчых і культурна-дасугавых цэнтраў. Менавіта з мэтай абуджэння цікаўнасці да мінулага і сучаснага жыцця, паказу рэсурсаў, патэнцыялу і магчымасцей сенняшніх музеяў з 2005 г. стала ладзіцца агульнаеўрапейская акцыя «Ноч музеяў”, прымеркаваная да Міжнароднага дня музеяў, які адзначаецца 18 мая. Зараз акцыя ахоплівае амаль усе музейныя ўстановы Старога Свету. Не засталіся ўбаку ад гэтай справы і музеі Беларусі, самыя буйныя з якіх уключыліся ў яе напачатку абвяшчэння. Штогод да «Ночы музеяў” далучаецца ўсё большая колькасць удзельнікаў. Разам са сталічнымі і абласнымі музеямі яе паступова пачынаюць падтрымліваць раённыя навукова-культурныя ўстановы Беларусі. У гэтым годзе да міжнароднай акцыі «Ноч музеяў” далучаецца музей-сядзіба «Пружанскі палацык”.

Святочныя мерапрыемствы пад назвай «Палацык” сустракае Крашэўскага” будут ладзіцца 8 чэрвеня і прымеркаваны таксама да 200-годдзя з дня нараджэння вядомага земляка Юзафа Ігнацы Крашэўскага. Праграма свята дазволіць акунуцца ў атмасферу ХІХ стагоддзя. У музеі адначасова будуць працаваць тры пляцоўкі: музычна-харэаграфічны салон, дзе можна будзе паўдзельнічаць у шляхецкім балі, пачуць класічную музыку і рамансы; зала Крашэўскага, якая дазволіць убачыць тэатралізаваную экскурсію; зала ”Аттракционъ” дзе будзе ладзіцца аукцыён з лотамі пазамінулага стагоддзя, пясочным прадстаўленнем і праглядам урыўкаў фільма «Калі Сонца было богам. Старое паданне” (Польшча, рэж. Е.Гофман) па матывах твора Ю.І.Крашэўскага. Арамя таго будуць адчынены ўсе экспазіцыйныя і выставачныя залы музея, працаваць народныя майстры, сувенірная лаўка, арганізавана фотасесія ў старадаўнім інтэр’еры, прадстаўлены шляхецкія касцюмы, выступяць вядомыя пружанскія калектывы, праведзена вогненае шоу.

Музей-сядзіба «Пружанскі палацык” запрашае ўсіх жадаючых прыйсці на свята «Палацык” сустракае Крашэўскага”, якое адбудзецца 8 чэрвеная 2012г. з 21.30 да 00.00 гадзін. Уваход толькі ў вячэрніх уборах па запрашальных білетах. Кошт білета 15 тыс. бел. руб., яго можна набыць у касе музея з 2 па 8 чэрвеня. Колькасць білетаў абмежавана.

«Афганистан — наша память и боль»

Напярэдадні 15 лютага ў музее адчынілася выстава «Афганистан — наша память и боль» прысвечаная ХХ-годдзю вывада савецкіх войск з Афганістана.
Асноўная тэма выставы — вайскоўцы, удзельнікі баявых дзеянняў, выхадцы з Пружаншчыны, сапраўдныя героі, тыя, хто сёння разам з намі і тыя, хто загінуў і знік без вестак.
Пачатак вайны, баявыя дзеянні, вывад войск, сёнешні погляд на тыя падзеі вачамі школьнікаў, асабістыя рэчы воінаў-інтэрнацыяналістаў, аддзенне — з усім гэтым можна пазнаёміцца на выставе. Асабістўю ўвагу на выставе прыцягвае падвесная ўстаноўка «НУРС».
Матэрыялы прадстаўленыя на выставе сабраны пры пасрэдніцтве аддзела ідэалогіі і аддзела па справах моладзі Пружанскага райвыканкама, а таксама з уласных збораў музея.

           Да гэтай даты аддзел па справах моладзі Пружанскага райвыканкама выпусціў брашуру аб пружанскіх воінах-інтернацыяналістах, загінуўшых падчас баявых дзеянняў.

Газета «Звязда» 2.11.1957 г.: ЗМЕНЫ У ПРУЖАНАХ.

Сябра музея Леанід Васільевіч Гарустовіч перадаў нам копію артыкула з газеты «Звязда» за 2 лістапада 1957 года —  «ЗМЕНЫ У ПРУЖАНАХ». Галоўнае: ў артыкуле змешчаны фотаздымак — палацыка.

Дадаем арыгінальны тэкст артыкула.

»  У летапісях першае ўпамінанне аб Пружанах адносіцца да І450-І460 гадоў.
У асабістым дзённіку Петра I і ў кнізе «Гісторыя царавання Петра Вялікага» ёсць запісы аб тым, што пасля вяртання ў Расію з падарожжа па Заходняй Еўропе 8 і 9 жніўня 1698 года Пётр I спыняўся ў Пружанах.
Пружаны ўпамінаюцца таксама ў летапісе Паўночнай вайны (1700—1721 гг.) і ў гісторыі Айчыннай вайны 1812 года. Тут у 1810—1812 гадах дыслакаваўся шосты армейскі корпус, якім камандаваў генерал Баграціён. Захаваўся дом, у якім, быў яго штаб і кватэра.
За гады гаспадарання польскіх паноў Пружны, як і іншыя гарады заходніх абласцей Беларусі. прыйшлі ў поўны заняпад. Насельніцтва іх пакутавала ад насілля памешчыкаў, кулакоў і купцоў. У горадзе не было прамысловасці, калі не лічыць саматужнай гаршчочнай вытворчасці. У навучальных установах, якіх было вельмі мала, навучанне было платнае і вялося толькі на польскай мове.
За гады вайны Пружаны, як і большасць населеных пунктаў раёна, моцна пацярпелі ад гітлераўскіх захопнікаў. Гітлераўцы спалілі сотні дамоў, разбурылі і разграбілі школы, усе культурна-асветныя ўстановы, электрастанцыю, маслазавод, промкамбінат і іншыя прадпрыемствы, створаныя да вайны.
Цяпер Пружаны – адзін з буйнейшых раенных цэнтраў Брэсцкай вобласці. З кожным годам горад расце і прыгажэе. За пасляваенныя гады тут уведзена больш чым 500 новых жылых дамоў, адміністрацыйных і культурна-бытавых будынкаў. Выраслі дзесяткі новых вуліц: Маякоўскага, Заслонава, Гастэлы і іншыя. Новымі дамамі забудоўваюцца вуліцы Янкі Купалы, Комсамольская. У гэтым годзе на вуліцы Свабоды здадзен у эксплуатацыю прыгожы цагляны дом, у якім размясціліся мэблевы, гаспадарчы і жалезабляшаны магазіны. Побач райхарчкамбінат пабудаваў адміністрацыйны будынак і цэх па перапрацоўцы садавіны і гародніны. Па вуліцы Комуністычнай вырас новы будынак масласырзавода, пабудаван камбінат бытавога абслугоўвання.
Хуткімі тэмпамі ідзе індывідуальнае жыллёвае будаўніцтва. Толькі сёлета больш чым 100 сем’яў рабочых і служачых справілі новаселле ва ўласных дамах. Па новай вулцы імя Заслонава за год пабудавана 29 дамоў.
У раённым цэнтры — шырокая сетка навучальных і культурна-асветных устаноў. Тут ёсць тэхнікум механізацыі сельскай і лясной гаспадаркі, школа-інтэрнат, дзве сярэднія школы.
Для культурнага адпачынку ў распараджэнні працоўных ёсць два дамы культуры, кінотэатр, тры бібліятэкі, стадыён, водны басейн.
У Пружанах працуюць бальніца, поліклініка, зубалячэбніца, тубдыспансер і іншыя медыцынскія ўстановы.
У пасляваенныя гады па Чырвонаармейскай вуліцы закладзен вялікі прыгожы парк. Большасць вуліц і дамоў тоне ў садах.

image descriptionНа здымку: будынак Пружанскага тэхнікума механізацыі сельскай і лясной гаспадаркі. У ім у 1810-1812 гг. знаходзіўся штаб генерала Баграціёна.

I. ШАУЦОЎ.»72526

   З многімі гістарычнымі фактамі гэтага артыкула можна паспрачацца, але гэтая невялічкая нататка з’яўляецца ўжо гістарычнай і нясе нам інфармацыю з мінулага стагоддзя.